جدول المحتويات
أكره اثنين
- قالوا امدح شيخ والا إمدح أمير *** لجل تكسب من مديحه فايده
- قلت أنا في خير وأحوالي بخير *** ليه أدور شي ماني رايده
- أدري أن مال الكبير إلا الكبير *** الرجال تقاد وإلا قايده
- أكره اثنين : المنافق والحقير *** تستقل طيب الرجال الرايده
- إن مدحت امدح وأنا وجهي سفير *** مدحت للحق ماهي سايده
- وكانها ماجات من قلب وضمير *** مدحتي ذمه بحقه كايده
- وش علي ان صاد له طير يطير *** لا هو بطيري ولاني صايده
- من خلقن الله احب أكون غير *** ما احب أكون حاجه زايده
- الفقر ماعذرب اخلاق الفقير *** في السنين الحاضره والبايده
- في الزمن أشياء تعني لي كثير *** التمام الشمل حول المايده
- ومنظر البسمه على الطفل الصغير *** في نهار العيد يوم تعايده
- قلتها وعذري يصير اللي يصير *** كل رأس يرتخي لوسايده
- إنتبه وياي للبيتالاخير *** اسمعه مني ولاني عايده
- تدري وش معناة رجال حقير *** من يصاحب رجل لجل الفايده
ولدي
- لا ملامه لا تشره لا عتاب *** ما غدى لك شي مفروض يغدي
- لا تحاسبني على اسباب الغياب *** في يدك ماصار ماكان بيدي
- لو رجعنا وابتدينا بالحساب *** منتهي وياك من قبل ابتدي
- كنت اشوفك غير لين القلب ذاب *** في هواك وصار ماهو بجسدي
- وقتها لو لي ولد عمره شباب *** يمكن أحبك كثر حب ولدي
- لكن اللي غاب .. يوم النور غاب *** شي يحداني عن ايدينك حدي
- تذكر اللي صار يا مال الذهاب *** ليلة ماجيت وامسيت اوحدي
- لا تغرك بسمتي وزين الثياب *** داخلي ضايق من الوقت الردي
- السؤال اللي بقى ماله جواب *** يا كثر مامر على الجرح الندي
- يا معودني على طرد السراب *** وشتبي فيني إليا ضاع جهدي ؟
- صرت انا وياك نشبه للسحاب *** لا تجمعنا تساقطنا بردي
- السحاب اليا تساقط بالأهضاب *** يحيي القاع الحزين الجرهدي
- بس حنا .. لا تساقطنا عذاب *** نكسر القلب الكبير الاجودي
لباس العمامه
- سم بسم الله يا طفل تحلم *** وارتفع للعز يا راعي الزعامه
- اقضب الهرجه وللموعد تولم *** قبل ترقا هامة من فوق هامه
- صاحبي لا صرت ما تعرف تعلم *** قبل تلحق لحيتك شرها وملامه
- ودّك الرجال لا منّه تكلم *** يثبت أفعاله على موجب كلامه
- سالفتنا غير عن قلب *** لا شكى معذور من لاهب غرامه
- سالفتنا ضربة أستاذ ومعلم *** شتتت فكر التلاميذ ونظامه
- لكن اسمع قبل أقول اسلم وسلم *** كل رجال وله بصمة ابهامه
- صاحبي بالحق لا تسكت تكلم *** لا تحسب حساب لباس العمامه
خراب بيوت
- يا حي والله هذاك الصوت *** إللي اتصل أمس مشتاقي
- لحظة غيابه تجيب الموت *** وشلون لو ينوي فراقي
- يا راكب اللى يسمى حوت *** إقصاد .. والحال بك ضاقي
- اركب نبي .. نصيف بيروت *** لعيون مبرومت الساقي
- تدري وشنهو خراب بيوت *** غيابها .. وقطع الأرزاقي
- من عقبها كني بتابوت *** ما عوض غيابها الباقي
- اللي اسمها بالحشى منحوت *** من حبها داخل أعماقي
- تقول : ان الليالي تفوت *** وانا انتظر لك على أشواقي
- ماشفتني .. كاشخه بالبوت *** امشي .. بثقة واحد هاقي
- الهيبه ماهي بلبس بشوت *** غيرتها بعين عشاقي
- من هيبتي لا بست لي كوت *** هيبة ملك .. مر سواقي
- قلت : اسكتي والوعد مثبوت *** بكره أطفي الشوق بعناقي
- فديت دم الشفايا التوت *** الموت الأحمر ولا انذاقي
- خليط سكر على ياقوت *** صفت ثناياك براقي
- ياصاحبي .. اركب لبيروت *** لعيون مبرومت الساقي
- نمشي على الرجل ولا الحوت *** ما تفرق إن صرت مشتاقي
قصيدة عبس
- يا وقت لا تلبس مواعيدنا لبس *** كم لي وأنا خايل وأخايل وأخايل
- الكسر حديته على الجبر والجبس *** والدمع حديته على الخد سايل
- فل القيود وبطل اقفولة الحبس *** خل الكويت تعايد اليوم حايل
- اللي تشاور راعي اللبس باللبس *** تبا تماريبه بنات الحمايل
- أم الترف والمبسم السكر الدبس *** عالت على قلبن لها الحب شايل
- من يوم ماجتني تحبس الهوى حبس *** تامر علي ولسانها حيل طايل
- وشلون تامرني وانا من بني عبس *** لو يحكي التاريخ فيها قبايل
- رح قلها لو ريقي من الضما يبس *** ماني بدور بالرفيق البدايل
- كان الزمن مايل معي وخاطره عبس *** ترى الزمن ماهو على طول مايل
- بكره تغادر ضيقة الصدر والكبس *** باب الاصايل ينفتح للأصايل
- تلقا اليدين مكسره قفولة الحبس *** وتلقا الكويت مصافحه يد حايل
غرتني الدنيا
- غرتني الدنيا وأنا أصبحت مغرور *** وحطمت قلب اللي غمرني بطيبه
- أصبحت عايش خالي احساس وشعور *** ماعاد أفهم وش حبيب وحبيبه
- غادي عن الدنيا لي أيام وشهور *** صارت حياتي في عيوني غريبه
- ظلام لف الكون ماعاد به نور *** غربه خذت ثامر من ايدي نهيبه
- بنيت بيني وبين نفسي انا سور *** ابعدت نفسي وهذي أكبر مصيبه
- ترى الذي مايسمع الراي والشور *** كلمه تودي به وكلمه تجيبه
- وأنا غلطت وقلت ماني بمعذور *** ومن يعترف بالحق محدن يعيبه!
- ويا صاح سامحني اذا جيت بقصور *** مثلك يسامح لا زعل من قريبه
- لو منت غالي كان ماني بمجبور *** اجي و ادور عنك من بعد غيبه
- اقسم برب البيت ان لزمن دور *** واني بدونك عشت حاله صعيبه
- أنام ضايق أصبح الصبح مقهور *** تخيل إن راسي بدا فيه شيبه
- المسأله ماهي قصايد وجمهور *** ولا هي بعد قصة كرامه وهيبه
- مسرور من هالناحيه حيل مسرور *** مرتاح في وضعي كذا ومهتني به
- ما هوب أكبر همي أصير مشهور *** كلن بياخذ من كتب من نصيبه
- بس انت ارجع لي وأنا أكون مشكور *** واقلب يدي وبوسها وابتدي به
- يومن معك مافيه شاعر وجمهور *** ما فيه إلا بس حبيب وحبيبه
تومي بيدها
- الله وأكبر ياهذيك المواعيد *** أيام ما كانت تحاتي وعدها
- من قبل لا تكثر عليها المناقيد *** وتلبس خطاياها عباه لجسدها
- العام كانت حلم ليل الصناديد *** من الحيا ما تجاوب اللي نشدها
- واليوم صارت تصنع لكيدها كيد *** تعلمت وشلون تتقن نكدها
- تومي بيدها لواحدن واقف بعيد *** تحسبني أزعل يوم تومي بيدها !!!
- ما تدري إن فراقها كنه العيد *** ماني بميت من غلاها بعدها
- القلب لو شوقه بعد غابت يزيد *** ذبحت قلبي في يدي لو فقدها
- ما عادها كفو السهر والتناهيد *** مدامها خانت مبادي عهدها
- قولولها وإن كانها شيخة الغيد *** تستر عن عيون المناظر نهدها
- وإن كان اصبح عذرها حب تجديد *** مع موظة يخذل مطرها رعدها
- لا والله الا زادة حبارة الصيد *** وطيور ماهدة بيكثر هددها
- العلم بين مايبي زود تأكيد *** واضح وضوح الشمس للي شهدها
- الشمس تطلع شرق يوم الله يريد *** حكمه من الله ما طلعة من وحدها
- الله أمرها تنور الكون تحديد *** وبعض البشر مع كل هذا تعبدها!!
- يعني خلاصة هالحكي والتشاهيد *** قولولها من قبل تفقد رشدها
- إن كانها مشتاقه لواحد بعيد *** تروح له .. ماهوب تومي بيدها!!
