شعر بدوي عن الفراق

الفراق والمشاعر الإنسانية

يعد الشعر من أهم وسائل التعبير عن الشعور الإنساني، ويرتبط بوجود مشاعر خاصة في وجدان الشاعر الذي يكتب هذه القصائد، ويكتظ الشعر البدوي على وجه التحديد بأبيات تم فيها ذكر فراق المحبين، وكيف انتهت الحكايات الجميلة التي كانت تجمعهم، فهو من الموضوعات المطروقة التي يتناولها شعراء البدو، وتتخلل معانيها معظم قصائدهم، وكل منهم يتناول الفراق من وجهة نظره، ويحلل في القصيدة ما هى اسباب الفراق، ونتائجه، وردّات فعل أطراف العلاقة التي انتهت بهم، وسيتم هنا ذكر أبيات شعر بدوي عن الفراق.

شعر بدوي عن الفراق

• ما بقيت ابغى سؤالك عنى اليوم وما اريده
  ما ريد قلبك دام هذى خطاويك
  عفت الهوى من بعد ما شفت دنياه
  عفت الليالى كلها فى تجافيك
  ببكى ندم بعد فرقاه
  واكتب قصيدة الحزن بفراقه
  يصعب على قلبى ينساه
  اريدة ولكن عزة نفسى تقول مابيك
  ضيعت بايديك قلب حالف ما يخليك
  والحين مابى يمرنى طيف ذكراه
  حبى رفعك ولازم اه يوطيك

• أدرى مقصر وياك
  وادرى ما تدرين اسباب تقصيرى
  لو دام حبك وعلاقتنا
  انا لغيرتك وانتى لغيرى
  لازم نقوى على الفراق
  حتى لو كان بعدك تدميرى
  عجزت لا ادبر ظروف تحدتنا
  ما قام حظى ولا فادت تدابيرى
  ولو ان قربك خطاء يابيض رايتنا
  يزيد قدرك غلا من زود تقديرى
  يا غايتى يوم تنهينا نهايتنا
  تعالى اخذى من اوجاعى تعبيرى
  انا وشعرى وصلنا فوق طاقتنا
  احزن وحزنى يحبونة جماهيرى
  واليوم لدفن بقايا حى ميتنا
  ما عاد تحيى معاذيرك معاذيرى
  بعيش فى سكت الذكرى بدايتنا
  واسير لاحلامنا وانتى بعد سيري

• يا حلو الايام لو ترجع على كيفـــــــي
  ما كان قلبي شكى فرقا مواليفـــــــــه
  كانوا بقربي ولا يحتاجوا تكليفـــــــــي
  واليوم راحوا ودمعي صعب توقيفــــه
  من عقب الاحباب مكسورة مجاديفــي
  غرقان والموج يلعب بي على كيفــــه

• سهيت لحظه وقمت ابحث بجوالي
  اقرا الرسايل وامسح مابقى منها
  لقيت ذكرى رساله والرقم غالي
  مكتوب فيها اذا انا مت فامسحها
  فكرت فيك ولقيتك عايش وسالي
  وماظن ياصاحبي في يوم تذكرها
  الموت عندي يساوي غيابك الحالي
  والحين بستئذنك يازين وامسحها

• سافر وخل أحزان عمري تخاويك
  يمكن معك تلقى حلول لضياعي
  حاولت أشوه صورتك يوم أخليك
  لقيتك أصدق من بكى في وداعي

• قلت : اصبري ، قالت : انا اقولك زين ؟
  قلت : اتمنى ماتكوني بخيله
  ضمت يديني .. قلت: توك تحنين
  قالت يدينك بس ؟ هذي قليله
  يوم احضنتني دمّعت ، قلت : تبكين
  قالت : اظن الدمع (أصدق وسيله)
  ردّت ، وقالت : وش عذاب المحبين
  قلت : الغياب ! وفي عيونك دليله

• أصبر حبيبي قبل ماترحل:تعال!
  أبيك توعدني تجيني تجيني
  حتى إذا ظرفك عن الجيّات حال
  أكسر ظروفك ياغلا لجل عيني
  وابنتظرك أنا على كل الأحوال
  وابحتضن وردة غلانا بيديني

• أنا جريح الأمس واليوم والغد
  وهاذي جروح العمر احصي عددها
  لقيت أنا الدنيا ترى ملعنة جد
  فيها الكلاب السود تأكل أسدها
  صدقني غيرك انت ما اشوف انا احد
  ومن ما تلد مثلك خسارة ولدها

• لو تدري أنك غاليٍ ما تغليت
  ولو تدري أنك خافقي ما كويته
  ولو تدري أني من فراقك تعنيت
  كان العتاب اللي كتبته محيته

• ياللي تغرك ضحكتي بعض الاوقات
  أحيان بعض الضحك معناه موتي
  أوقات تلقاني أحاكيك ب سكات
  يوم الكلام يموت داخل سكوتي
  يوم الحناجر تحتضر فيها الآهات
  واعجز عن فراقنا ولو طال صوتي

• انتعاش الورد في لحظة وصال
  والذبول انواع والفرقا قهر
  والنجوم اشكال في عرض اليال
  والكواكب فوق واحلاها قمر
  مستحيل انساك حتى بالخيال
  وان نسيتك .. حلم من بعد السهر

• كان فيني عيب ..قلي فيك العيب الفلاني
  كان هرجي مزعلك في شي ..قلي لاتعيده
  جيت مابيك تحقرني ..جيت أبيك تعز شأني
  جيت آبي فزعة ضلوعك من مشاعرك الفقيده
  يعلم الله شفت منك ومن فراقك ماكفاني
  كان ماتقدر تخف هم قلبي..لاتزيده.

• يبقى الغلا لوفرقتنا المشاريه
  والشرهة الي بالخواطر تروحي
  كل يعاتب بعض الاحيان غاليه
  والحب يبقى فوق كل الجروحي
  الحب لوشانت علينا لياليه
  نصبر وفى سر الغلا مانبوحي
  طبع الوفا بقلوبنا مانخليه
  يسري بروحه مثل ماهو بروحي
  حبي على باله ولوكنت جافيه
  وهو على بالي وحبه طموحي
  قلبي ولو صديت وابعدت بيديه
  وبنظرتي شوق القا له وضوحي