شعر بدوي عن الشوق

الاشتياق إلى الأشخاص والأشياء

يعد الاشتياق من أرق المشاعر الإنسانية التي تنجم عن غياب الأهل والأحباب عن الناظرين،  حيث يبدأ القلب بالخفقان وتسري في الروح مشاعر الشوق والحنين إلى لقياهم، وقد برع الشعراء في وصف مشاعر الشوق، وذكر أحوالهم في بعد الأحباب عن ناظريهم، ورسموا اجمل وافضل الصور الشعرية في ذلك، وكيف أن غياب من أحبوهم عنهم شكل لديهم حاجزًا يمنع الحياة أن تسير وفق ما يحبون، وأن شوقهم إلى أحبتهم دفعهم إلى اقتفاء أثر الأحباب، واستحضار وجودهم في كل شيء، وإن لم يكونوا أمامهم، وفي هذا المقال سيتم ذكر أبيات شعر بدوي عن الشوق.

أبيات شعر بدوي عن الشوق

• يفزّ قلبـي كل ما أجيب طاريه
  فزّة يتيـمٍ شاف من تشبه أمّه
  تذكّر أمّه يـوم كانت تنـاديه
  وحس بجفاها يـوم عيّت تضمّه
  مـرّت سنة مـن موتها من يراعيه
  والدّمع ماقدرت كفوفه تلمّه
  أبوه مات مـن الحزن من يـواسيه
  ومن بعد موت أبـوه أخذه عمّه
  ينام ما يلقا رحـومٍ يغطّيه
  ولو ما يسـوّي ذنب كلٍ يذمه

• ماكنت في قلبي ولا كنت فـ البال
  توّي عرفت انك فـ عمري حقيقه
  شفت البحر وشلون يشتاق للجال
  هذاك شوقي لا فقدت دقيقه !

• مشتاق لك والله وأنا حيل مشتاق
  يا نبض قلبــــــي يا الغلا وانت كلّيليه
  غبت عنّي خاطري صار مضتاق
  وليه من أشوفك أنسى ربعي وأهلي

• فاض من قلبي شعور الشوق لك
  وأنت حاضر كيف لاغبت ورحلت
  والله إني كـل ما جيت أسألك ؟؟
  عن قدر نفسي رحلت ولاسألت !

• في طلتك تزهر مداين حنيني
  وتنبت على جال التعب زهرة الشوق
  حلفت لك وحدك براحة يميني
  والناس باليسرى على ذمة الذوق

• اشتاق في غيبتك وافرح اذا جيت
  يعني على ما ظن شكلي احبــــك

• عاتبوني و المعاتب بـ سلم العاشقين
  ما يجي الا من محبه ومن قدر و غلا
  ادري ان الشوق فضاح و الخافي يبين
  و من تعود قول لبيه ما يضبط هلا

• من زمن ماقلت لي عطني يدينك
  لا خذاك الشوق لـ عيوني و شفته
  رغم كل اللي حصل بيني و بينك
  ما أنكر إنك اجمل وافضل إنسان عرفته

• عذبني الشوق واسرفت بخيالاتي
  روح تحبك دخيلك ليش  تهمـلها

• روّح علي من ليل الأشواق ثلثين
  واقبل عليّ ثلثٍ طوا ضيقتي طيّ
  عقب الهموم وظلمة الليل والبين !
  تنويرة الهاتف ملت ليلتي ضيّ
  البارح اضوي به وادوّر على شين !
  والحين نوره مالي البيت والحيّ
  حي اتصالك يوم جاني على الحين
  الفا يقدّيني عن الطيش والغيّ
  يامرحبا يا صوت اشاهده بالعين
  صوتٍ رسم طيفك بلوحات عينيّ
  في ذمتي يا سيد كل المزايين
  صوتك مثل ما أخذتني ؟ … رَدني ليّ
  تنشد عن احوالي وانا اقول لك : زين
  ماغير جرحٍ وآخر علاجه الكيّ
  أتعبني ان الحب ما بيننا بين
  والمجتمع باقي على وصلنا عيّ
  بس التعب فدوه .. وحن أجل اثنين
  تعبك يالغالي مثل شربة الميّ
  يرخص لك الغالي .. ويهدا لك الزين
  تامر عيوني ؟ هاك هذي قبل ذي
  في خاطري يا مهجة القلب بيتين
  دامك بتقفل قبل الآذان بشويّ
  حق الأذان وحق صوت الملبين
  لك في خفوقي شي .. لا ماهو ب شي
  اشياء .. لكنّي باعلمك شيئين
  شوق و محبه  موتتني وانا حيّ

• تجيني طيف يا عمري على جنحان شوقـي لـك
  أخاف أرمش من عيوني..! وأبعثر جيت وصالـك
  حبيبي لا تجيني قول.. وين أنت؟ وأنا أجـي لـك
  أبيك تقول وين انت.. وعلى عيوني أنا أسعى لـك
  وربي فوق روس الشوك.. لا اخلي القلب يمشي لك
  واخلي ظلالي يسبقنـي.. قبـل يحضنـي منزالـك
  ثواني بس.. ابتهندم.. من عيونـك وابهـدي لـك
  في عينـك ضحكـةٍ حتـى تكحـل عيـن عذالـك
  يقولوا الناس: بغيابي تشب القلـب ويضـوي لـك
  حنيني ومن وهج شوقه.. يميـل القلـب لا مالـك
  قضى دمعي من عيوني.. أبي من عينك أبكي لـك
  ابنثر من ورا عيوني.. دمـوع عيـون ترحالـك
  تعبت أهرب من الاشيا البسيطـه مـن تفاصيلـك
  تعبت اسأل زوايا البيت.. عن أول وأخر أحوالـك
  وحتى الشوق من صبح الدرايش قام يهـدي لـك
  عصافير الرضى ترفـرف علـى بيبـان مدخالـك

• إشتقت لك بالإمس واليوم مشتاق
  وباكر إن شفتك يزيد إشتياقي
  لجلك زاد الحب وزادت الإشواق
  وزاد من بين الضلوع إحتراقي
  الله جمع فيك الحلاوه والأخلاق
  مثلك لو دورت ماني بلاقي

• يالبيه ياللي هزك الشوق يالبيه
  حر الشوق يجمعنا ونرجع كما كنا
  كلام الحقيقه فاقد الشي مايعطيه
  وحنا فقدنا اشياء تبيها العرب منا

• كل شي يهون إلا غيبتك عني
  كيف أعتذر لقلبي وكيف أداري غلاك
  في غيابك وش اللي تاخذه الناس مني
  مادام قلبي والمشاعر معاك

• مستحيل أتخيل الدنيا بلاك
  أنت لي مادام لي قلب خفوق
  جاك قلبي يالهوى مليان جاك
  وأجتمع حبك ودمي في العروق