خيانة الأصدقاء أمر لا يغتفر، وجرح كبير لا يمكن أن يشفى، وهنا بعض أبيات الشعر التي تصف الخيانة من الصديق.
من صارت الخوه ثمن حفنه تراب*** نفس الوجيه الي نصوني نسوني
من غير ذكر فروق وعروق وانساب*** كانو ثلاثه... والثلاثه جفوني
علمتهم وشلون الاهداف تنصاب*** ولما سواعدهم قوت ..صوبوني
عشاني اصغرهم عمر صارو احزاب*** عشاني اصدقهم قصيد اظلموني
الي نجاح اسمي زرع فيهم انياب*** حتى النصيحه ..مابغو ينصحوني
دام العطايا بينهم دين واتعاب*** والله لو اطلب ذنبهم.. ماعطوني
طالب نصيحه كاني مطالب ارقاب*** وهي نصيحه !! كيف لو زوجوني ..؟
كنت اكتب لنفسي مشاريه واعتاب*** ولادري ان الي قروني .. قروني
تضاربت من دوني عقول والباب*** واجد بغو غيري.. وواجد بغوني
اقفل هدب تسهر على شعري اهداب*** كاني حبست رقادهم في جفوني
لو شفتهم واحد يشوفوني اسراب*** من وين مالدو نظرهم لقوني
اثري وجودي بيتهم محرق اعصاب*** ومزعل بعضهم من بعض لو طرووني !
ياكبري بعيني وانا توني شاب*** واهم كتاب الشعر حاربوني
حتى ولو يهوي على نجمي شهاب*** يكفيني ان اسمي كبير بعيوني
قد قال ابوي ان هبتهم قول ماهاب*** لويقدرونك قول ماتقدروني
مدام قبري محتضن راس مرقاب***على كثر ماتقدرون ادفنوني
لو ماني بذيب . انهشت عظمي ذياب*** لو ماعرفت اثبت وجودي لغوني
لو ماسكنت وجيههم . مت بغياب*** لو ماعرف امحي ورقهم محوني
اصبحت الاصعب لانهم كانو اصعاب*** جننتهم مثل ماجننوني
ماجيب ابدبل كبدهم شعر وخطاب*** لين ادبلو كبد الذي خلفوني
ياويل وجهي كن للدمع مخلاب*** ماجف ماه ومستحا من طعوني
كل ماطرى لي منظر مريب وارتاب*** كان الوحيد الي يحرك شجوني
قبله صلاه . وذكر . وخشوع . وكتاب*** وامي على سجادة النور دوني
تدعيلي الله يفتح بوجهي ابواب*** تتوسله بالشده يكون عوني
من كثر ماخفاقها بالدعا ذاب*** صارت تحس ان ازملاي اكرهوني
بشرتها يمه معي ربع واصحاب*** ماني لحالي واجد الي يبوني
من يوم ماحاز اقلمي كل الالقاب !!*** قلطتهم في دفتري واحفظوني
الله وهبنيهم بني عم واجناب*** من يوم جيت اعجبتهم واعجبوني
واعجابهم فيني ماهوبايه اعجاب !*** باسلوبي بشرحي بطرحي بلوني
لو قلت عن نفسي بشر صرت كذاب*** لو قلت دمي من ذهب صدقوني
لو كيفهم كان ازرعو دربي اعشاب*** لو بيدهم بتشبهون اشبهوني
من كثر ماصارو من اطبوعي اقراب*** حتى بلبسه شمغهم قلدوني
واجد دعوني واغلقو من دوني الباب*** وواجد ناس ابكيلهم مابكوني
لو طالو لهدمي مناسيب واطناب*** كان وغلاتك من زمان اهدموني
مدام حطو فيني عيوب واسباب*** جنبت عنهم مثل ماجنبوني
اصلا لو ان بخوتي شي ينعاب*** ذبحت نفسي قبل لايذبحوني
انا يدي لو ماكست متني اثياب*** نذر علي اقطع يدي من متوني
مو عيب اجي مدعو ولا اشوف ترحاب*** العيب لو اني رجعت ان دعوني
مادمت اجي ولا يحسبون لي حساب*** حرمت اروح اذا يبوني يجوني
